VIGAN CITY – Maragsakan ti School Division of Vigan iti pannakaisubli ti face to face learning ti siudad,
Iti pannaki-uman ti Bombo Radyo Vigan kenni Schools Division Superintendent Gemma Tacuycuy, nagbalin a posible iti amin a kalikagum ti DepEd babaen iti panagtitinnulong dagiti stake holders ken ti Vigan City Government a nangsuportar kadagiti kalikagumda a maisubli iti face to face ti panagadal.
Naisagana a nalaing dagiti pagadalan tapno natalged dagiti agadadal a sumbrek nga estudyante ken nabingay iti oras dagiti agadadal a sumbrek ken naisuro kadagiti kameng ti utility iti panagdisinfect.
Mangnamnama ni Vigan City Mayor Juan Carlo Medina a sumarunonton dagiti sangapulo ket lima pay a pagadalan ti siudad a mangisayangkat ti face to face learning ken tultulongandan dagiti darakkel a pagalan a makakumpleto dagiti kasapolan nga inyetnag ti DepEd National ken Department of Health.
Ingkari ti opisyal nga agtultuloy iti suprotada ti pagalan ken mangibaondato iti agbakuna kontra COVID19 ti eskwela tapno adda iti nayon a proteksyon dagiti ubbing.
Pinasingkedan met ni Cabaroan Cabalangegan Elementary School Principal II Racquel Follante nga adda dagiti nagannak a saan nga immanamong ti face to face learning iso nga ituloy da ti modular learning kadagiti pagtaenganda.
