Sinuspenso ti Civil Aviation Authority of the Philippines (CAAP) iti pito nga aldaw amin a training flight operations iti maysa nga aviation academy kalpasan iti panagswek ti maysa nga aircraft idiay Iba, Zambales.
Ti insidente ket napasamak iti asideg ti Iba Airport idi Biernes a nakairamanan ti maysa a training plane iti Topflite Academy of Aviation Inc. (TAAI)
Manariman iti panag-take off iti eroplano idi nagswek iti kaasidegna a compound idiay Barangay Lipay-Dingin-Panibuatan.
Nakalasat dagiti uppat a nakalugan pakairamanan ti flight instructor ken student-pilots iti four-seater Cessna 127 plane ta insigida a naipaayan ti medical attention.
Segun ken ni Col. Benjamin Areola a Zambales Police Director, ti flight instructor ket ni Capt. Jacques Robert Papio idinto a dagiti student-pilot ket da Angelo Josh Quinsasay, Althea Kisses Nuñez ken Jericho Palma nga agpapada a grounded.
Imbilin ti CAAP nga agpalawag ti quality ken safety managers iti Topflite Academy of Aviation Inc. karamanen ti flight instructor ken estudyantena mainaig iti insidente.
