VIGAN CITY – Pinasingkedan ni Bombo International Correspondent Jessyn Jaramillo a taga-Nalasin, Sto. Domingo ken maysa a nurse idiay California, USA nga in-inuten ti pannakailukat dagiti business establishment iti nasao a pagilian gapu ta adu dagiti agrekreklamo a naawanan ti pagsapulan tatta a tiempo ti COVI19 pandemic.
Iti pannaki-uman ti Bombo Radyo Vigan kenni Jaramillo, nakalukat latta dagiti napateg a pagtagilakuan kas kadagiti grocery store ngem dagiti panganan ket awan pay unay ti naglukat.
Manipud idi May 19 nga isu ti panangbilin kadakuada ti gobierno nga agtalinaed iti pagtaenganda ket masupsuporatarn dagiti agindeg ken naipasigurado kadakuada a frontliner a kompleto dagiti aramatenda a personal protective equipment.
Kabayatanna, maisaysayangkat ti online class tapno maliklikan ti panagdudupudop dagiti agad-adal iti pagadalan ken masalwadan iti salun-atda ken tapno saanen a manayunan ti bilang dagiti kaso agsipud ta adu pay laeng dagiti banbantayanda a a pasyente a kaaduan kadakuada ket dagiti senior citizen a datin nga adda sakitda.
Ingunamgunam ni Jaramillo ti kinapateg ti akemda kas medical worker tapno matulongan dagiti pasyente a malaingan ken maparmek ti agraraira a virus iti intero a lubong.
