VIGAN CITY – Makadiskwento iti business permit dagiti negosyante iti ili ti Cabugao nu mangipanda iti closed-circuit television wenno CCTV kadagiti establishyimento-da.
Iti pannaki-uman ti Bombo Radyo Vigan ken ni Cabugao Mayor Josh Edward Cobangbang, isayagkat iti verification ti Business Permit and Licencing Office ken Philippine National Police para iti pannakakita dagiti CCTV kadagiti establishyimento tapno maipaay ti insentibo wenno diskwento para ti business permit dagiti negosyo.
Segun ken Mayor Cobangbang, dakkel pay a tulong para ti seguridad ti nasao a CCTV ken makatulong para iti pannakakita nu bilang adda mapasamak iti aglawlaw dagiti estbalishyimento.
Siniguradona met a maisayangkat latta ti regular check-up ti PNP kadagiti business establishment tapno makita nu mabalin dagiti maipan a CCTV wenno saan.
