Maysa a Partas bus ti naidungpar iti concrete barrier kalpasan a maawanan iti kontrol ti drayber kabayatan ti panagdalyasatna iti sang-atan ti Barangay Kakaldingan, Lungog, Narvacan.
Ti drayber ti bus ket lalaki nga agtawen iti uppat a pulo ket innem, agnaed iti Macalva Norte, Agoo, La Union.
Dagiti pasaherona ket maysa a lalaki, agtawen iti duapulo ket siam, agnaed iti Poblacion, Dolores, Abra ken maysa pay a lalaki nga agtawen iti uppat a pulo ket tallo, agnaed iti Pacac, Dolores, Abra.
Agpapa-abagatan ti bus idin ta saan a nakontrol ti drayber ti manibela ti luganna iti sharp curve ti kalsada.
Gapu dayta, naigalis ti bus ken naidungpar iti concrete barrier iti igid ti kalsada.
Posible a ti naibukbok a krudo iti kalsada ti rason no apay a nagalis ti dalan a nagresulta iti saan a pannakakontrol ti drayber iti lugan.
Saan met a naan-ano ti drayber ken dagiti dua a pasahero ti bus.
