Awan ti nadunor iti panagdinnungpar ti bus ken pickup iti national highway idiay Barangay 5, Bantay, Ilocos Sur.
Ti bus ket minaneho ti lalaki nga agtawen iti uppat a pulo ket uppat, agnaed iti Barangay Mabusag Sur, Badoc, Ilocos Norte.
Ti met pickup ket minaneho ti lalaki nga agtawen iti duapulo ket dua, agnaed iti Barangay Lubong, San Vicente.
Maibasar iti CCTV footage, agpada nga agpapalaud dagiti dua a lugan.
Ti bus ket adda iti inner lane ken nakasenyal nga agsikko iti kannigid, idinto a ti pickup ket agov-overtake iti outer lane ken nakasenyal nga agsikko.
Idi madanonda ti nakapasamakan ti aksidente, nagsikko iti kannawan ti bus isu a nagdinnungparda iti pickup.
Gapu iti pasamak ket nagasgasan ti kannawan a ridaw iti sango ti bus agraman ti kannawan a front bumper-na.
Ti met pickup ket nadadael ti kannigid a side panel-na, naikkat ti kannigid a taillight-na ken nadadael ti kannigid a paset ti rear step board-na.
