--Ads--
VIGAN CITY – Awan ti nadangran iti napasamak nga aksidente idiay Barangay Maynganay Norte, Sta. Maria, Ilocos Sur a nakairamanan ti motorsiklo ken bus.
Ti Honda Wave 125 a motorsiklo ket minaneho ni Bon-Bon Carrido Cañero, agtawen iti uppat a pulo ket maysa, taga-Barangay Nanguneg, Narvacan.
Ti met Partas bus ket minaneho ni Christopher Pilon Ballacillo, agtawen iti uppat a pulo ket tallo, taga-Barangay Bangcagan, Bucay, Abra.
Naggapu iti eskinita ti motorsiklo nga agpadaya ken napan iti inner lane ngem nagdinnungparda ti agpapa-amianan a bus.
-- ADVERTISEMENT --
Saan pay nga ammo no mano ti gatad ti nadadael a paset dagiti lugan.
