Naalaan ti bus driver ti mapapati a shabu, granada ken paltog iti pannaka-implementar ti search warrant idiay Sitio Malablabtang, Barangay Maratudo, ili ti Magsingal.
Ti suspek ket agtawen iti uppat a pulo ket uppat, residente ti nadakamat nga ili ken maibilang nga street level individual.
In-implementar dagiti pannakabagi ti linteg ti search warrant kontra ti suspek gapu ti panaglabsing iti RA 10591 wenno Comprehensive Firearms and Ammunition Regulation Act ken RA 9165 wenno Comprehensive Dangerous Drugs Act of 2002o.
Naala manipud ti suspek ti drug evidence a 3 grams ti mapapati a shabu nga aggatad ti P20, 400 a nakaikabil iti uppat a piraso ti heat-sealed transparent plastic sachets.
Nakumpiskar pay dagiti non-drug evidence a pakairamanan ti maysa nga improvised straw scope nga adda mapapati a shabu residue, maysa nga hand grenade, maysa a unit ti cal .38 revolver nga adda lima a live ammunitons na, maysa nga empty shell para iti cal .45, plastic box ken can container.
