VIGAN CITY – Nagpakamatay ni Herbert Rabang, agtawen ti tallo pulo ket walo, bulsek nga agnaed idiay Ayusan Norte, Vigan City idi alas onse singkwenta idi rabii.
Sakbay iti panagpakamatay ti biktima ket adda iti saanda a nagkinnaawatan ti kabsatna a ni Marius Rabang isu a nagpupok iti kwartona.
Ngem sakbay a nagpupok iti kwarto na ti biktima, naisawang na ti kabsat ken ikit da a ni Francisca Bisquera a nabannogen ta kakaasin iti pinagbiagna ket kayatnan iti matay.
Gapu iti dayta a panagpupokna iti kwartona, nadanagan dagiti kabbalay na isu a pwinersa da a linukatan iti kwartona ket nakitada a nakadatan ti biktima iti flooring iti kwarto na nga adda iti nakaiputipot a nylon cord iti tengnged na isu a naitaray iti ospital ngem naideklerar a dead-on-arrival.
