Agtultuloy nga iver-verify dagiti otoridad ti pudno a motibo iti pammaltog iti Ateneo de Zamboanga University junior high school campus idi kalman.
Segun kenni DepEd Secretary Sonny Angara, saan pay a nalawag iti inisial nga imbestigasyon no talaga a mangisursuro ti puntiria ti suspek.
Saan met a nakumpirmaran dagiti immuna a report a mabalin a bullying wenno depression ti makagapu iti insidente.
Nupay kasta, saan nga ilaksid dagiti imbestigador ti dadduma pay a posibilidad, agraman ti maipagarup a kaadda ti online interaction wenno makunkuna a “groomer” a mabalin a nakaimpluensia iti ubing.
Agtultuloy ti imbestigasyon nga isaysayangkat dagiti autoridad, para ti naan anay nga lead ken impormasyon mainaig ti nasao nga pammaltog. Kleofe Jyna Dayag
