Agtaltalinaed a naka-alert level 3 magmatic unrest wenno adda posibilidadna a bumatak iti napipigsa ti Bulkang Kanlaon ken awan pay iti kasiguraduanna no kaano nga agpatingga dagiti aktibidna.
Iti pannaki-uman ti Bombo Radyo Vigan kenni Edna Lhou Masicampo, Information Officer iti Canlaon City, kumarkaro ti aktibidad ti bulkan kanlaon ken naingato ti peggad iti six-kilometer danger zone.
Segun kenni Masicampo, agtultuloy iti forced evacuation, ken kasapulanda ti kanayon a supply ti taraon ken danum kadagiti evacuation centers.
Makikamkamayetda metten kadagiti nadumaduma nga ahensiya para iti tulong ken masigurado iti naan-anay a taraun ken danum para kadagiti evacuees, ken monitoring ti aktibidad ti bulkan.
Innayonna a pakabuklan a 3,500 a tattao ti nagbakuit, ken adda innem nga evacuation centers da.
Kabayatanna, agyamayamanda met iti tulong nga ipapaay ti provincial government ken DSWD para iti preposition food packs, ken dagiti tattao ken kabangibang a lugar a naayat a tumultulong.
