--Ads--
Nairecord ti minor explosive eruptions ti Bulkan Kanlaon idiay Negros Island idi kalman, Oktubre 24, 2025 iti agarup alas otso singko ti rabii.
Segun iti Philippine Institute of Volcanology and Seismology (PHIVOLCS), nangiruar iti dapo ti nasao a bulkan nga umabot iti 2,000 a metro manipud iti crater-na sakbay a naiyangin iti amianan a daya.
Agtaltalinaed iti Alert Level 2 ti Bulkan Kanlaon, ken manamnama ti kellaat a phreatic eruption.
Gapu ta ti nasao a bulkan ket naibayog iti Alert Level 2, maiparit ti panagpatayab ti eroplano iti asidegna ken panagserrek iti four-kilometer radius Permanent Danger Zone (PDZ).
-- ADVERTISEMENT --
Malaksid iti nasao a pasamak, immunan a nangiruar iti dapo ti Bulkan Kanlaon idi bigat ti Huwebes, Oktubre 23. Augie Arellano
