Bulalayaw ti Vigan Inc., nangipaay iti libre a pukis kadagiti atleta ti Vigan City a makisali iti R1AA

VIGAN CITY – Nangipaay iti libre a pukis ti Bulalayaw ti Vigan Incorporated, maysa a grupo ti LGBTQ community kadagiti atleta iti siudad ti Vigan a makisali iti Region 1 Athletic Association wenno R1AA.

Iti pannaki-uman ti Bombo Radyo Vigan ken ni Raimundo Rabagi Arce, mangidaulo iti grupo, maysa a miembroda ti nangibaga a nagrequest ti DepEd Division Office no mabalinda a mangted serbisyo kadagiti atleta ket inanamonganda met a dagus tapno matulonganda a maingato ti kumpiansa dagiti atleta.

Innem a pulo nga atleta karaman pay dagiti coaches ti napukisan dagiti lima a miembroda a napan ket pagyamananda ta maay-ayabanda latta iti kastoy a klase ti programa.

Innayon ni Arce a sisisagana ti grupoda a tumulong para iti pagsayaatan iti komuniad.