Pinasingkedan ni Senator Panfilo Lacson a ti most notorious maipanggep ti maanomalya a flood control projects ket iti probinsia idiay Bulacan.
Innaganan ni Lacson ti slide presentation na da dati District Engineer Henry Alcantara ken ti simmukat a ni Brice Hernandez a karaman kadagiti ghost project a ti opisinada ket addaan iti duapulo ket walo a proyekto nga agpapada a P72 million a pondo.
Innem a barangay iti probinsiua iti Malolos ken Hagonoy idiay Bulacan iti naibaga iti presentasyon ni Lacson, ket dagiti naala a contractors ket ti Wawao Builders ken ti Darcy and Anna Builders.
Agpapada a P77 million ti gatad dagiti flood control projects a naala dagiti nasao a contractors ngem arigna awan laeng ta idi tinurong dagiti staff ti senador ket awan ti makita a proyekto.
Kinuna ni Lacson nga arigna al-alya met ti Darcy and Anna Builders ta idi tinurongda idiay Cardona, Rizal ket naduktalan a gym ken e-payment store imbes a maysa a construction company.
Pinasingkedan pay ni Lacson a saan a masarakan ti Wawao Builders ngem maysa a Ferstar Builders Contractors iti nadanonanda.
Innayon ti senador a nakasagana isuna a mangipakaammo dagiti nagan iti sindikato iti 1st District Engineering Office idiay Bulacan a karaman iti substandard ken ghost projects ken adda dagiti testigo a nakasagana a mangpaneknek kadagiti maanomalya a proyekto.
