--Ads--
VIGAN CITY – Agpapalaing iti ospital da Nestor Amor, agtawen iti limapulo ket dua, mannalon a taga-Mabilbila Sur, Santa ta binagkong ni Marly Ordez iti bukotna idinto a nadunor ni Jacquelyn Ante, agtawen iti tallopulo ket maysa, mangisursuro ta bimmallaet iti pasamak.
Segun ti nakaimatang iti pasamak a ni Jack Ban Amor, agrir-ririda ti amana a ni Amor maipanggep iti bayadan ti koriente idin ta dimteng ti suspek a mapapati a nabartek ken nakaiggem iti kutsilyo ket binagkongna ti biktima.
Linapdan ni Ante ti suspek isu a nadunor met ti imana ket gapu ti dayta, naipaagasda iti ospital para ti naan-anay a pannakatamingda.
Ti suspek ket nakakustodian kadagiti pannakabagi ti linteg tapno dumalan iti husto a proseso.
-- ADVERTISEMENT --
