Kayat ti Bureau of Corrections nga imbestigaran ti National Bureau of Investigation (NBI) ken ti Philippine National Police (PNP) ti stabbing incident a napasamak iti uneg ti New Bilibid Prison idi agsapa ti January 2 a nagresulta iti pannakatay ti person deprived of liberty ken adda pay dua a nadundunor.
Iti naisina a surat a pinirmaan ti Bucor Officer-in-Charge, ni Asec. Al Perreras a naka-address ka da NBI Director, Jaime Santiago ken PNP Chief, P/Gen. Rommel Marbil, kayat ti Bucor a mangisayangkat dagiti dua a nadakamat nga ahensia iti bukodda nga imbestigasion tapno maammuanda dagiti pudno a detalye ken maipakita ti transparency ti Bucor.
Gagem pay ti nasao nga imbestigasyon a maamuan ti makinresponsibilidad iti pannakatay da person deprived of liberty Ricardo Peralta, Reginal Lacuerta, ken Bert Cupada.
Kagiddan daytoy, binilin pay ni Perreras ni C/SUPT Roger Boncales, Acting Superintendent ti NBP, a mangipasa iti komprehensibo nga incident report iti nadakamat nga insidente ken makitinnulong iti imbestigasion ti NBI ken PNP.
