VIGAN CITY – Balligi iti pannakaisayangkat ti Boy Scout of the Philippines Encapment Sub-Camp Flordeliza iti Tinaan Elementary School Sta. Maria District manipod November 10 agingga 12, 2023.
Iti pannaki-uman ti Bombo Radyo Vigan ken ni Glen-mar Tabaniag Zamora a Teacher 3 iti Tinaan Elementary School Sta. Maria District, napalaus iti ragsak dagiti ubbing a nakipaset ta adu iti nasursuroda iti kamping ken uray dagiti nagannak ket maragsakanda para kadagiti annakda para iti nagbalin a kapadasanda.
Segun ken ni Zamora, kaadoan a naisuro kadagiti ubbing ita a tawen ket iti panangsalwadda iti aglawlaw nangruna iti panangipakaawat iti akemda a mabalin a maaramidanda.
Nu iti biang ti seguridad dagiti participant ket nagbalin a natalged ta nakikammayetda iti local government unit ken uray kadagiti maseknan iti barangay isu nga adda dagiti nagbantay a Barangay Tanod bayat iti pannakaisayangkat iti event.
VIDEO AUDIO – GLEN-MAR TABANIAG ZAMORA
