--Ads--
Inallukoy ni Bangko Sentral ng Pilipinas Governor Eli Remolona Jr. dagiti middle ken upper-class Filipino a kissayanda ti luho ken nayonan ti urnong tapno mapapigsa ti investment iti pagilian.
Segun ken ni Remolona, nababbaba ti domestic savings rate ti Pilipinas no ikumpara iti Thailand, Vietnam ken Singapore, isu a kasapulan ti ad-adu nga urnong tapno mapondoan ti panagpuunan.
Innayonna a delikado no agtultuloy a mangnamnama ti pagilian iti panagutang manipud iti sabali a pagilian tapno mapondoan ti investment.
Impaganetget met ti BSP governor nga ad-adda a nasken a pokusan ti investment imbes a consumption ta makatulong daytoy iti panangpangato ti productivity ken panagdur-as ti ekonomia.
-- ADVERTISEMENT --
