Nagkampeon ni Carl Darren Garcia Sales, maysa a Bachelor of Science in Information Technology student ti University of Northern Philippines iti Digital Illustration, College Category iti naangay a 1st Animation Festival 2025 a ti temana ket “Animating Futures, Bridging Cultures”.
Naangay ti pasalip idi Pebrero 6-7 idiay Lorma Colleges Campus, San Juan, La Union.
Kabinnulig ti nasao a pagadalan ti Busan Kyungsang College.
Iti pannaki-uman ti Bombo Radyo Vigan ken ni Sales, naragsak ti riknana ta saanna a ninamnama ti panangabakna gapu kadagiti nasiglat a kinabalubalna.
Nakarikna iti panagdanag ngem ad-adda a nagpannuray iti excitement-na iti nasao a pasalip.
Kabayatanna, aramatenna met ti premyona a pang-upgrade kadagiti equipment-na tapno ad-adda pay a maasa ti laing.
