Isayangkat ti Department of Education (DepEd) ti annual school maintenance program wenno Brigada Eskwela manipod Hulyo 22 agingga 27 kas panagsagana ti panaglukat ti School Year 2024-2025.
Ti pannakaisayangkat ti SY 2024-2025 Brigada Eskwela ket kas mayataday ti DepEd Order No. 33 series of 2024 nga inruar ni DepEd Undersecretary ken Chief of Staff Michael Wesley Poa idi napan a lawas.
Ti Brigada Eskwela ket babaen ti tema a Bayanihan para sa Matatag na Paaralan.
Ti National Brigada Eskwela Kick-off Program ket maisayangkat inton July 17 iti Carmen National High School idiay Cebu.
Segun ti DepEd, dagiti regional ken schools division offices ket mabalinda nga isayangkat ti advocacy activities-da kadagiti lugar a pakaisayangkatan ken pakaikampanya-an ti Brigada Eskwela.
Maysa a nationwide school maintenance program ti Brigada Eskwela a pakipasetan amin nga education stakeholders tapno ipaay ti oras, tignay ken resources-da tapno masigurado nga all set amin a pampubliko a pagadalan iti panaglukat iti klase.
