--Ads--
Inlawlawag ti Department of Justice (DOJ) a saan a nagbalin a paset ti Witness Protection Program (WPP) ti dati a Department of Public Works and Highways (DPWH) engineers a da Brice Hernandez ken Jaypee Mendoza.
Segun ken ni DOJ Spokesperson Atty. Polo Martinez, da dati a DPWH Bulacan 1st District Engr. Henry Alcantara ken dati a DPWH-NCR Regional Director Gerard Opulencia iti provisionally-admitted iti WPP ket saan a karaman da Mendoza ken Hernandez.
Maipalagip a malaksid iti contractor a ni Sally Santos ket da Alcantara ken Opulencia laeng iti nagisubli iti kuarta a mapapati a naawatda a kickback.
Ti nasao a banag ket mapapati a paset ti restitution process a nakalanad kadagiti probisyon iti WPP.
-- ADVERTISEMENT --
