--Ads--
Imbutaktak ni dati a Department of Public Works and Highways assistant district engineer Brice Hernandez a nasurok maysa bilion a pisos a cash ti naipatulod iti penthouse ni Ako Bicol partylist Rep. Elizaldy Co.
Segun ken ni Hernandez iti panagdengngeg ti Senate Blue Ribbon Committee, personal nga impatulodna ti kuarta iti aide ni Co a managan iti ‘Paul’.
Kunana a naikabil ti gatad iti nasurok 20 a maleta ken nailugan kadagiti innem agingga pito a van a naipan iti penthouse ni Co idiay Shangri-La Hotel, Taguig.
Innayon pay ni Hernandez a ni dati a DPWH district engineer Henry Alcantara ti direkta a makipatpatang ken ni Co.
-- ADVERTISEMENT --
