Nagpalagip ti Bureau of Fire Protection – Vigan iti panagbantay kadagiti ubbing tapno maliklikan iti panagaramatda iti boga wenno kanyobong nangruna ita nga umadanin ti panangpasarabo ti baro a tawen.
Iti pannaki-uman ti Bombo Radyo Vigan ken ni Senior Deputy Officer 3 Darrio Orpilla a Chief Admin Fire Safety Inspector iti Vigan City Fire Station, saan laeng a dagiti barangay official iti mangbantay kadagiti agaramat iti illegal a paputok nu diketdi uray dagiti nagannak tapno saan a maisagmak.
Impaganethet ni Orpilla a posible a malabsing iti Republic Act 9183 gapu iti panagaramat ti kanyobong nangruna ket saan nga aprubado a maaramat ta saan a dimmalang ti safety standard.
VIDEO – SENIOR DEPUTY OFFICER 3 DARRIO ORPILLA
Kabayatanna, nu panggep iti gumatang kadagiti lehitimo a paputok ket adda dagiti agilaklako iti siudad a nakaala ti clearance iti business licensing iti Vigan a mailako agingga inton baro a tawen.
VIDEO – SENIOR DEPUTY OFFICER 3 DARRIO ORPILLA
