VIGAN CITY – Kiddaw ni Brgy. Capt. Expedito Soto manipod Barangay Turod, Cabugao nga agpakada dagiti kakaduana nga opisyal ti barangayda nu adda iti maiwaras para kadagiti kalugaranda.
Ti nasao a banag ket kalpasan ti mapapati a panagiwaras iti jet matic ken tubo iti mismo a pagtaengan ti kalugaranna a ni Barangay Kagawad Edgar Garcia nga agpaidasig iti kina-kapitan inton Barangay ken Sangguniang Kabataan Elections.
Iti pannakipapatang ken ni Kapitan Soto, mapapati a nagiwaras ti nasao a banag ni Garcia ngem awan iti naan-anay nga ebidensyana ta ti laeng maipakitana ket dagiti naawat ti kaduana.
Inyunay-unayna a ti tignay nga inaramid ni Soto ket maiblang a vote buying kasangwanan ti eleksyon ta saan a naipakpakaammo kenkuana kas mangidaulo iti barangayda.
Patien ti kapitan a dagiti nasao a banag ket nagtaud iti Local Government Unit ta nangina dagiti equipment.
VIDEO AUDIO OF BARANGAY CAPTAIN EXPEDITO SOTO
Inkalintegan ni Barangay Kagawad Edgar Garcia nga awan ti kinaagpaysu ti kinuna ti barangay kapitan inaig iti mapapati a panaggatangna iti botos iti kalugaranda ta awan pulos iti inwar-warasna a jet matic ken tubo iti lugarda ta naudin a nagiwarasda iti kasta nga equipment idi napalabas a tawen (2022).
Patien ni Kagawad Garcia a pammadakes laeng iti araramiden ti kapitan kenkuana gapu iti panagpaidasigna iti kina-kapitan para inton eleksyon.
Ngem nupay kasta, ituloyna iti tumaray para iti kina-kapitan ta ammonanga awan iti madi nga intensyonna nu diketdi ti agserbi kadagiti kalugaranna.
VIDEO AUDIO OF BARANGAY KAGAWAD EDGAR GARCIA
