Brgy. Kagawad iti Vigan City, napaltugan

VIGAN CITY – Maag-agasan idiay balay-pagagasan ti maysa a Brgy. Kagawad a napaltugan babaen ti suspek nga asawa iti kaanakan na idiay Brgy. Purok a Bassit, Vigan City.

Segun kenni Novelyn Esteban, anak ti biktima a ni Ruben Pajo, agtawen ti 52. kalpasan iti pammaltooog ket nakita ti kasinsin ken kabsat na ni Ranny Paa nga adda iggem na a paltog isu mapapati nga isuna ti suspek .

Ni Paa ket mapapati a suspek iti maysa nga insidente iti pammaltoog idi napan a tawen ken asawa iti napapatay a drug surenderer iti nasao a barangay a napaltugan iti uneg iti pagtaengan da .

Maibasar iti inisyal nga imbestigasyon, agputputed ti kayo ti bikitma iti sango ti pagtaengan da idi pinaltugan ti suspek babaen ti gauge-12 shotgun a nakatamaan iti takyag na.