--Ads--
VIGAN CITY – Dead on Arrival ti maysa a Brgy. Kagawad a nagmaneho iti motorsiklo ta naidungpar iti kongkreto nga alad idiay Brgy. Cabittaogan, Sta. Catalina, Ilocos Sur.
Segun ti Sta. Catalina Municipal Police Station, ti nagmaneho iti Yamaha CB100 MC a nangisit ket ni Ruselle Rafanan Ragasa, agtawen iti uppat a pulo ket pito a taga-Brgy. Cabittaogan, Sta. Catalina.
Agpapaabagatan a direksyon ni Ragasa idi nadanonna iti nasao a lugar ket naidungpar iti kongreto nga alad a gappuanan iti pannakatumbana ken pannakadunor iti ulona.
Naipan iti Metro Vigan Cooperative ni Ragasa babaen ti nagresponde a kameng ti RHU ken PNP Sta. Catalina para koma ti pannakatamingna ngem naideklarar a natay.
-- ADVERTISEMENT --
