VIGAN CITY – Nasurok-kumurang dua a bulan a minonitor dagiti pannakabagi ti linteg ti lalaki a naalaan ti mapapati a shabu iti search warrant operation idiay Brgy. Turod-Patac, Cabugao.
Iti pannaki-uman ti Bombo Radyo Vigan ken ni PMaj. Juan Jhayar Maggay iti Cabugao Municipal Police Station, paglibakan ti suspek a ni Leo Ronnel Tabaco Taberna, agtawen iti tallopulo ket innem, Brgy. Kagawad, a high-value target ti nasao a natakuatan kenkuana.
Segun ken ni Maggay, babaen ti inruar a search warrant ti Presiding Judge iti RTC 24, Cabugao ket naisayangkat ti panagsukimat iti pagtaenganna a nakaalaan iti pito a plastic sachet iti mapapati a shabu a nakaipan iti uneg ti rectangular tiny metal iti candy container nga agdagsen iti 5.061 a gramo nga aggatad iti P45,549 ken sangapulo a lighter.
Kinunana a nabigla ti kapitan iti nasao a barangay pakairamanan dagiti dadduma pay a Brgy. Officials iti nakaikappengan ti nasao a kagawad.
Nupay kasta addan ti suspek pakairamanan dagiti naala kenkuana ti kustodia ti Cabugao Police Station para ti documentation ken disposition.
Kabayatanna, nagballaag ni Maggay kadagiti amin nga agar-aramid iti ilegal nga aktibidad ta nu nakalusotda ita ket addanto latta iti pannakatakuat iti madi nga aramidda.
