VIGAN CITY- Manamnama a maasa pay ti laing dagiti miembro ti boxing team ti Ilocos Sur para iti pannakisalip da ti Region 1 Athletic Association Meet a maisayangkat to idiay Ilocos Norte ta dagiti coach a taga Metro Manila ti tumulong a mangsanay kadakuada.
Segun kenni Rommel Gallardo, mangidaulo ti boxing team ti probinsiya, sangapulo dagiti boxers ti probinsya nga agpapada a high school students ket ti Lonzo brothers manipud idiay Solot-Solot National High School ti maysa kadagiti pangnamnamaan ti team gapu iti napintas a performance da iti napalabas a Batang Pinoy.
Inlawlawag ni Gallardo a sakbay ti ‘intensive’ training nga isayangkat da inton umay a bulan ket madaman ti regular a panagsanay dagiti boksingero kas ti jogging ken shadow boxing.
