Maisagsaganan ti boxing ring para iti ‘charity boxing’ match idiay Rizal Memorial Coliseum iti nagbaetan da PNP Chief Police General Nicolas Torre III ken ni Davao City acting mayor Baste Duterte.
Segun ken ni PNP spokesperson Police Brigadier General Jean Fajardo, nangrugin ti pannakaisimpa ti ring, idinto nga impasigurado ti Games and Amusements Board a mangtedda iti qualified referee ken medical team para iti laban.
Inawat ni Torre ti karit ni Duterte ket kunana nga uray saan a sumipot ni Duterte, addan dagiti sponsor a nangikari a mangted ayuda para kadagiti nadidigra iti bagyo ken layus.
Ngem sakbay nga umanamong iti laban, nangidatag iti kondisyonna ni Duterte – isu ti pannakaikiddaw ken ni Presidente Ferdinand Marcos a dumalan iti hair follicle drug test dagiti nabotosan nga opisial.
