VIGAN CITY – Nainget latta ti monitoring kadagiti border ditoy probinsia uray no naisakupen iti Low Risk Modified General Community Quarantine.
Segun ken ni Gov. Ryan Singson, dakkel a karit iti probinsia a pagtalinaeden a nababa ti risgo iti COVID19 ti masakupan isu a kiddawenna ti pannakitinnulong dagiti umili a sumurot kadagiti quarantine protocols tapno saanen nga agraira pay ti sakit.
Kabayatanna, dagiti met agsubli nga OFW ditoy probinsia ket bantayan dagiti kameng ti Inter Agency Task Force ken siguradwenda a maipanda kadagiti quarantine facility.
Malaksid iti dayta, inlawlawag ti gobernador nga awan pay laeng dagiti bus a rumuar ditoy probinsia ken yur-urayda ti sungbat iti kiddawda a mapalubosanen iti panagkalubbon kadagiti motorsiklo.
