Nairekord iti Pilipinas iti $3.4 billion a balance of payments (BOP) surplus idi Hunyo, ti kadakkelanen iti umabot dua a tawen.
Segun ti Bangko Sentral ng Pilipinas (BSP), nakatulong iti panagpangato ti surplus ti panagutang iti gobierno iti sabali a pagilian ken ti panaglaka ti langos iti world market.
Ti kayat a sawen ti BOP surplus ket ad-adu a dolyar iti simrek iti pagilian ngem iti rimmuar iti nasao a panawen.
Maikadua a bulan payen a nairekord ti surplus kalpasan iti uppat a bulan a nagsasaruno a pagkurangan manipod Enero agingga Abril.
Gapu dayta ket bimmassit ti BOP deficit iti pagilian iti umuna nga innem a bulan iti tawen iti $3.88 billion, a nababbaba kumparar iti $7.28 billion idi agtapos iti Mayo ken 30.6% a basbassit ngem iti nairekord a pagkurangan iti isu met la a panawen idi 2025.
