--Ads--
Aglukat ti book of condolence wenno dagiti libro a panagladingit ti Apostolic Nunciature idiay Manila para iti pimmusay a ni Pope Francis.
Mabalin a bumisita iti publiko manipod iti alas nuebe iti bigat agingga alas nuebe iti rabii inton Martes, April 29 tapno makaipaay ti kararag wenno makaibingay ti lagip para iti pimmusay a Santo Papa.
Maipalagip a bimmisita ti Santo Papa iti Pilipinas idi 2015 a dinar-ayan iti minilion ket binisitana pay dagiti biktima ti Bagyo Yolanda ken Tacloban.
Pimmusay ni Pope Francis idi Lunes, April 21 iti tawenna a walopulo ket walo idiay Vatican gapu iti Stroke ket maitabon ita nga aldaw idiay Basilica of St. Mary Major idiay Rome, Italy.
-- ADVERTISEMENT --
