Tumestigo ni dati a Department of Public Works and Highways Secretary Manuel Bonoan iti malversation case kontra ken ni dati a Senador Ramon Bong Revilla Jr. iti Sandiganbayan Third Division inton Agost0 12.
Daytoy ket iti baet ti immuna a panagkedked ti korte nga ikkaten ni Bonoan kas maysa nga akusado iti kaso a graft kontra ken ni senador Jinggoy Estrada tapno aramiden nga state witness kadagiti kaso nga adda pakainaiganna iti flood control projects.
Mabalin a makaapekto iti depensa ni Estrada iti pannangikkat ken ni Bonoan a mangduma iti taray ti kaso manipud iti conspiracy a mapan iti individual liability.
Maipalagip nga idi naminsan nga aldaw ket temporario a nawaya-wayaan ni Revilla kalpasan a naka-piyansa ti P1 milyon para iti kaso a malversation.
