--Ads--
Personal a dimmar-ay ni Senador Bong Go iti blessing ken panaglukat ti baro a Super Health Center idiay Barangay Pangi, Maco, Davao de Oro.
Segun ken ni Go, gagem ti pasilidad a mayasideg dagiti kangrunaan a serbisyo iti salun-at kadagiti residente, pakairamanan ti konsultasyon, check-up, ken X-ray tapno saanen a kasapulan nga agbiahe iti Tagum, Mati wenno Davao para iti simple a kaso.
Ti baro a pasilidad iti maikadua a Super Health Center idiay Maco, kasaruno ti immunan a proyekto idiay Barangay Binuangan a naipatakder idi 2023.
Impaganetget ni Go ti kinapateg ti panagtitinnulong ti Department of Health (DOH) ken dagiti lokal a gobierno tapno masigurado nga agbalin a fully operational ken maaramat ti publiko dagiti Super Health Center.
-- ADVERTISEMENT --
