Bombo Radyo Philippines, naartapan na iti bukod na a record babaen ti agtinawen a bloodletting activity a Dugong Bombo

VIGAN CITY – Pinaneknekan manen iti kaaduan iti natibker a panagkaykaysa babaen ti pannakipaset da iti naballigi a Dugong Bombo 2019 ti Bombo Radyo Philippines.

Pinatgan dagiti blood donors iti awis dagiti Bombo Radyo ken Star FM stations iti intero a pagilian nga agidonard da iti dara nangruna kadagitoy a panawen nga agkurkurang iti suplay.

Daytoy ket paset iti arapaap ni Dr. Rogelio M. Florete, chairman of the Board of Bombo Radyo Philippines, a masagid iti spirit of volunteerism dagiti kailyan tapnu makatulong kadagiti agkasapulan.

Sumagmamano a paset ditoy pagilian iti saan a nangikaskaso iti dakes a paniyempo, atiddog a biyahe ken aftershocks dagiti naglabas a gingined idiay Mindanao tapnu makaidonar da laeng iti dara.

Ti agtinawen a Dugong Bombo ket aggigiddan a naisayangkat kadagiti dua pulo ket uppat a kangrunaan a syudad ditoy pagilian a pakasarakan kadagiti Bombo Radyo ken Star FM stations.

Umabot ti siyam a ribo sangagasut ket siyam a pulo a tattao weenu blood donors iti boluntaryo a nakipaset iti blood letting activity ti Bombo Radyo Philippines babaen iti pannakikinnammayet da ti Philippine Red Cross, nu ditoy Bombo Radyo Vigan, kadua tayo ti Ilocos Sur Provincial Hospital- Gabriela Silang.

Dagiti dara a naur-or iti nasao nga aktibidad ket maipaay kadagiti biktima ti dengue, kidney failures, biktima iti naduma-duma a didigra ken uray dagiti dumalan ti emergency blood transfusion ken procedures.

Umabot ti pakabuklan a siyam a ribo sangagasut ket siyam a pulo a successful blood donors iti boluntaryo a nagidonar iti dara da para ti Dugong Bombo bloodletting project.

Ti nasao a bilang dagiti successful blood donors ket katukad ti  4,135,500 million cc iti dara a ti katukad na met ket 4,135.50 litro iti dugo wennu 1,092.48 gallons (4 liters per gallon) wennu pakabuklan a 19.86 drums ti dara.

Uray pay kasta, ti nasao a bilang ket saan pay a pinal agsipud ta ti Bombo Radyo Cauayan ket insanud da ti Dugomg Bombo a maisayangkat to inton umay a lawas gapu ti Bagyo Ramon ta dagiti venue ket naaramat nga evacuation center.

Agyaman kami kadagiti successful blood donors, saludo kami iti kina-bannuar yo!

Adu dagiti blood donors iti nakipaset ngem saan da a nakapasa ti pre-screening requirements gapu kadagiti isyu ti blood pressure, anemia, alcohol intake, tattoo wennu dadduma pay a rason ngem maibilang da latta a bannuar ta nagboluntaryo da a makipaset.

Iyulit mi manen iti panagyaman mi kadagiti amin a mangbukbulel ti Philippine Red Cross iti intero a pagilian, Department of Health, dagiti volunteers, partners ken dadduma pay a grupo, dagiti mangimaton dagiti nausar a venue ken dagiti nagidonar iti meryenda wennu snacks.

Ditoy Bombo Radyo Vigan, pagyamanan mi dagiti mangbukbukel ti Ilocos Sur Provincial Hospital- Gabriela Silang, Sir Leo Jurado, Dr. Trina Tabboga Talaga, Dr. Carmeliza Singson ken ti provincial government nga idaulwan ni Governor Ryan Singson, kasta payen dagiti doctors manipud ti Ilocos Sur medical society, dagiti volunteer nurses ken medical technicians pakairamanan dagiti nursing student ti University of Northern Philippines- College of Nursing.

Ti Dugong Bombo ket maysa laeng kadagiti adu a proyekto ti Bombo Radyo Philippines a paset iti corporare social cultural responsibility iti kompanya. Dagiti sabali pay a proyekto ti network ket ti agtinawen a Bombo Medico ken Bombo Music Festival a ti kangrunaan a gagem na ket panangsapul ken panangdevelop kadagito talento dagiti Pilipino.

Dugong Bombo 2019…A Little Pain…A Life to Gain… Basta Radyo… Bombo!