Ramrambakan ti Bombo Radyo Philippines ti maika-innem a dekada ti media excellence babaen ti Top Level Management Conference manipod January 5 agingga 11, 2026 babaen ti tema a “Bombo Radyo Philippines: Celebrating 60 Years of Media Excellence”.
Idadauluan ti aktibidad da Chairman Dr. Rogelio M. Florete ken President ken Chief Executive Officer Margaret Ruth C. Florete, a pakipasetan dagiti station manager ken senior officers manipod iti duapulo ket lima a key areas ti Bombo Radyo Philippines network idiay Iloilo City.
Iti makalawas a panagkakadua ket nakatutok ti strategic planning ken direction-setting kas panagsagana ti network kadagiti sumarsaruno a tawen.
Mapagpapatangan iti inobasyon, serbisyo publiko, ken agtultuloy a kari iti credible, responsible, ken public service-oriented broadcasting.
Kas paset iti maika-innem a pulo nga anibersaryo ket itampok iti Bombo Radyo Philippines ti atiddog a listaan dagiti prestihiyoso a pammadayaw iti biang ti news reporting, public affairs programming ken public service broadcasting.
Karaman dayta iti Bombo Network News a back-to-back winner ti Catholic Mass Media Awards (CMMA) kas Best News Program para iti 2024 ken 2025, ken ti Star FM, a mabigbigbig a Best Entertainment Program iti nagsasaruno a tallo a tawen manipod 2023 agingga 2025.
Ti Bombo Radyo Iloilo a flagship station iti network, ket nabigbig a Best AM Station (Provincial) ken Best News Program (Provincial) iti 28th Golden Dove Awards (2025) iti Kapisanan ng mga Brodkaster ng Pilipinas (KBP).
Malaksid kadagiti pammadayaw ket pinatibker dagiti independent survey ti credible ken talek iti publiko ti Bombo Radyo ta rimmuar a Most Trusted News and Information Source iti Radio category iti National Survey on Media and Information Literacy ti Philippine Information Agency idi Nobiembre 2024.
Binigbig pay ti OCTA Research idi December 2024 nga umuna a radio source iti damag ken impormasyon dagiti nataengan a Pilipino ken agtultuloy a mangidadaulo iti quarterly a survey ti Publicus Asia, Inc. iti kategorya a Most Trusted Media Outlets in the Radio.
Dagiti nasao a pammigbig ket pammaneknek ti dedikasyon ti Bombo Radyo Philippines iti panangpatalinaed ti kangatoan a lebel ti broadcast journalism.
Napatibker pay ti komprehensia iti patawid ti Bombo Radyo kas umun-una a radio network iti pagilian nga addaan ti 32 a digitalized AM ken FM stations iti intero a pagilian ken agserserbi a panagyaman iti publiko.
Gapu kadakayo ket agtultuloy ti Bombo Radyo iti panangiyetnag ti laing nga agpadamag ken public service.
Basta Radyo, Bombo!
