VIGAN CITY – Panagbain ken panagbuteng iti rason no apay nga ingkali ti maysa a balasang ti maladaga a natay nga impasngayna a nasarakan idiay Brgy. San Pedro, Narvacan.
Iti pannaki-uman ti Bombo Radyo Vigan kenni alyas Edna, saanna nga ammu iti aramidenna idi naitublak ket nagpasikal nga iso iti panaganakna ken rimmuar ti maladaga a lalaki a natayen ta pimmurawen.
Iti buteng ni Edna ken saanna a kayat nga maammuan ti nagannakna ingkali na ti maladaga idi parbangon ti October 22 ket iti dardarasna narabaw iti pannakaikalina.
No man pay nakarikna iti karkarna ti ina ket saanna a masigurado no masikog wenno saan ta irregular ti menstrationna ken iti ammuna agsagsagaba ti Polycystic Ovary Syndrome wenno PCOS ken idi napannada nagpacheck-up rimmuar nga agsagsagaba ti U.T.I.
Segun kenni Carolina Carlosa, ina ni Edna, a saanda nga ammu a masikog ti anakna ta ti ammuda agsagsagaba laeng daytoy ti nasao a sakit idi napanda ti doktor ken na ammuanda laengen nga ingkali ti anakna ti maladaga idi nagpudno daytoy ta saanan a kaya nga ilimed ti pudno a pasamak.
