--Ads--
VIGAN CITY- Naisayangkat iti bomb drill idiay municipal plaza idiay ili ti Bantay kas paset iti panagsagana ti Ilocos Sur Police Provincial Office (ISPPO) ,pakairamanan dagiti dadduma pay a law enforcement agency para iti panagbantay iti 2018 Palarong Pambansa.
Segun kenni PSSupt. Jovencio Badua Jr., provincial director iti ISSPO, adda dagiti nadumaduma a klase iti critical incident emergency response tapno maammuan iti kinasagana dagiti law enforcement agency kadagiti sitwasyon nga adda iti pangta iti seguridad kas iti bomb threat.
Inpaganetget ni Badua a kasapulan iti nainget a panagbantay iti seguridad tapno marikna dagiti delegado, atleta ken bisita a natalged iti panagtalinaed da ditoy probinsya.
