VIGAN CITY – Kiniddaw ni Santa Vice Mayor Jeremy Bueno kadagiti agawid iti nasao nga ili nga uray awanen dagiti requirements ket dumagasda koma iti Rural Health Unit para iti monitoring ken check up.
Dayta ket kalpasan ti panagpositibo ti maysa a taga-Namalangan iti Covid19 a naggapu idiay Makati City a nagawid iti nasao nga ili.
Iti pannaki-uman ti Bombo Radyo Vigan ken ni Bueno, saanda a pabasulen iti national IATF a nangipatungpal iti baro a protocol ngem kidkiddawenna a maikkan koma iti turay dagiti mayor a mangipatungpal iti pagannurotan a mangsalwad kadagiti kailianda.
Nupay kasta, irequire da iti surveillance ken monitoring iti antigen testing kadagiti agsangpet iti maikalima ken maikasangapulo nga aldaw iti panagtalinaedda iti nasao nga ili ken nagbalakad a limitaran pay laeng iti pannakipulapolda.
