Sinigurado ti Bureau of Customs (BOC) a naurnos ken makadanon iti tunggal pamilia iti amin a Balikbayan boxes nga impatulod ti overseas Filipino workers (OFW).
Segun ken ni Customs Commissioner Ariel Nepomuceno, binilinna amin a kameng a siguradoen nga awan ti agbalin a parikot iti pannakaipatulod iti Balikbayan boxes.
Pinadaras pay ni Nepomuceno ti proseso dagiti nakapending a shipments tapno makadanon nga insigida dagiti karton iti pamilia dagiti OFW.
Tunggal Balikbayan box ket inasikaso ti nabukel a Balikbayan Action Center (BAC) tapno mataripato ti kargamento ken maliklikan iti aniaman a parikot.
Ti nasao nga opisina iti umawat kadaiti reklamo ti pamilia dagiti OFW, kas ti nadadael a karton, nabuntog a delivery wenno mapukpukaw a patulod.
Maibasar iti listaan ti BOC, umabot iti 1,000 container vans iti adda nasurok-kumurang 460 balikbayan boxes ti sumangsangpet iti pagilian kada bulan.
