--Ads--
Nangiwayat iti raid ti Bureau of Customs kadagiti sanikua ti pamilia Discaya idiay Pasig City kas paset iti imbestigasyon iti mapapati a naanomalya a flood control projects.
Tinarget dagiti otoridad iti agduduma nga establisimiento ti pamilia Discaya iti F. Manalo Street tapno matunton dagiti luxury vehicles nga adda pakainaiganna iti pamilia.
Dua laeng kadagiti sangapulo ket dua a luxury vehicles a nakalista ti nakita iti balay ti pamilia Discaya a pakairamanan iti Toyota Land Cruiser ken Maserati.
Immunan a dinakamat ni Discaya iti imbestigasyon ti Senate Blue Ribbon Committee mainaig iti naanomalya a flood control project, ken inaminna nga adda duapulo ket walo a luxury car-na.
-- ADVERTISEMENT --
