Maysa a blue notice ti inruar ti Interpol kontra ken ni dati nga Ako Bicol Partylist Representative ken House Appropriations Committee chairman Zaldy Co a sumangsango ti kaso nga adda pakainaiganna kadagiti maanomalya a flood control projects, kas kinumpirmaran ni Interior Secretary Jonvic Remulla.
Segun iti Interpol, ti blue notice ket para iti panag-kolekta ti nayon nga impormasion mainaig iti identitad, lokasion, ken aktibidad ti maysa a tao nga adda pakainaiganna iti imbestigasion ti maysa a krimen.
Pinasingkedan ni Remulla nga im-imbestigaran-da no adda ti sabali a passport nga us-usaren ni Co tapno maka-biahe iti sabali a pagilian.
Innayon pay ni Remulla a walo nga indibidwal a naakusaran iti pannakairaman da ti anomalya ket addan iti kustodiya ti National Bureau of Investigation. /Reynand Fontejon
