VIGAN CITY – Naballigi ti pannaka isayangkat ti blood letting activity idiay Ilocos Sur Provincial Police Office nga indaulwan ti Police Community Relations – Office nga idaulwan ni Pol. Maj. Agusto Cabello.
Segun ken ni Cabello, ti nasao a blood letting activity ket kas pannaka icelebrar ti PCR month itatta a bulan.
Inlawlawag ti opisyal a nangiyulog da iti pammilin a ti tunggal police station ditoy probinsiya ket masapul a mangipatulod da iti dua agingga lima a donors da.
Naigiddato la unay iti nasao nga aktibidad itatta a panawen nga agraira iti sakit a dengue.
Kinabinnulig ti ISPPO – PCR Office ti Ilocos Sur Provincial Hospital- Gabriela Silang iti nasao nga aktibidad ket inton Nobyembre, inkari ti opisyal a makikinnammayet dan to ti Bombo Radyo para ti agtinawen a Dugong Bombo.
