VIGAN CITY – Limapulo ket walo ti balligi a nakaidonar ti darana para iti naisayangkat a Blood Letting Activity iti Barangay San Julian Centro, Bantay – nangatngato ngem ti target a limapulo.
Ti aktibidad a naawagan iti Blood Donation Drive: Unli Blood, Unli Life ket babaen ti pannakibinnulig ti nasao a barangay iti Gabriela Silang Provincial Hospital. Segun ken ni Barangay Captain Paul Veronico Pre, nabayagen a mangisaysayangkatda ti nasao a klase ti aktibidad ken adun dagiti natultulonganda.
Innayonna a napakaamoan met dagiti kalugaranna mainaig ti blood donation activity ket kinunana nga adu met dagiti nangiyebkas iti kalikagumda a makipaset.
Kabayatanna, inyunay-unay ni Barangay Health Nurse Jonalyn De Peralta ti kinapateg ti panagidonar iti dara tapnon mapapigsa ti resistensyada agsipud ta masukatan ti fluid iti bagi.
Palagipna kadagiti agkalkalikagum nga agidonar a nasken a saanda a nakainom wenno nagsigarilyo ken maysa oras sakbay ti panagidonarda ket masapul a saanda a nangnangan.
Nupay kasta, adda dua a saan a naawat nga agidonar agsipud ta posible a masikug ken kabak-bakunada iti anti-rabies vaccine.
