Matuloy ti nakatuding a biyahe ni Presidente Ferdinand Marcos Jr. idiay Canada para iti uppat nga aldaw nga official visit na iti baet ti kilos protesta ti Iglesia ni Cristo.
Segun ken ni Presidential Communications Office Secretary Dave Gomez, awan ti panagbaliw iti schedule ti presidente no sadino nakatuding nga agbiahe kadua ti delegasion na mangrugi ita nga aldaw, Hulyo 1 agingga Hulyo 4.
Basar daytoy iti imbitasion ni Canadian Prime Minister Mark Carney iti gagem a palawaen ti relasion ti Pilipinas ken Canada iti aspeto ti trading, panagpuonan, depensa, enerhiya, artificial intelligence ken dadduma pay.
Iti maisayangkat nga official visit ket naikeddeng a maaddaan ti bilateral meeting ti presidente ken ni Carney tapno mapapigsa pay ti langen-langen ken strategic corporation ti dua a pagilian.
Manamnama pay a makitaripnong ni presidente Marcos iti Canadian business leaders ken investors tapno maallukoy a nayonan ti panagpuonan para iti Pilipinas.
