VIGAN CITY – Mangirusat ti Ilocos Sur Police Provincial Office ti BISIKLETAHAN wenno ti kampanya kontra iligal a droga, iligal a paputok, kriminalidad, ken illegal discharge of firearms inton bigat, December 29.
Iti pannaki-uman ti Bombo Radyo Vigan ken ni Provincail Director Police Colonel Marlo Castillo, tinawen a maisaysayangkat ti aktibidad babaen ti pannakibinnuligda iti provincial government ken kadagiti partner agency ti Philippine National Police.
Gagem ti nasao a banag a maital-o ti naan-anay a panangammo dagiti umili no ania dagiti rebbeng nga aramiden ken surotenda iti panangpasungad iti baro a tawen.
Palagip ni Castillo kadagiti umili nga adda ti maymaysa a lugar a naituding a pakaaramidan ti panagpaputok.
Alas kuatro y media ti registration; alas singko ket maaramid ti ababa a programa; ken alas singko y media ket isu ti pannakairugi ti aktibidad.
