Natakaw ti maysa a bisikleta a naiparking iti asideg ti Chavit Coliseum iti Tamag, Vigan City Ilocos Sur iti agsapa idi kalman, July 4, 2025.
Iti pannaki-uman ti Bombo Radyo Vigan ken ni Christian Prudencio a taga-Don Lorenzo, Caoayan, imparkingna ti bisikleta (BMX) iti sangwanan iti asideg ti pagub-ubraanda nga isu iti Chavit Coliseum iti alas syete iti bigat idi kalman ngem idi nagsublin iti malem wenno panagawidna koman ket saanna metten a nakita.
Segun ken ni Prudencio, awan iti nagpakpakada a nangbulod iti bisikleta isu a patienna a natakaw.
Kinunana a manipod nabarikadaan ti dati a pagparparkinganna ket inaldawen nga iparkingna ti nasao a bisikleta iti ballasiw ti kalsada manipod pagub-ubraanda ta isu iti nawaya.
Kiddawna iti pannakaisubli ti bisikleta ta kukua dayta ti kabsatna ket bulbulodenna laeng ta ususarenna a mapan iti trabaho nga isu pay iti paglag-ananna.
VIDEO – CHRISTIAN PRUDENCIO
