Bisikleta a naiparking iti maysa a convenience store, mapukpukaw

VIGAN CITY – Sapsapulen ni John Jeffrey Manioto a taga-San Julian, Bantay ti bisikletana a dua nga aldawen a mapukpukaw.

Segun ken ni Manioto, alas sais ti rabii idi March 16 idi imparkingna iti sangwanan ti 7-11 convenience store ngem idi agalas dyes iti rabiin ket naduktalandan a mapukpukawen ti bisikleta.

Nakurang tallo a bulanen nga agiparparking iti bisikletana iti nasao a lugar ngem saan met idi a mapukpukaw.

Kiniddawnan iti nasao a convenience store a makita a nalaing dagiti CCTV footages a mabalin a makatulong iti pannakakita no adda nangitaray iti bisikletana.