Inlawlawag ni Bureau of Internal Revenue (BIR) Commissioner Charlito Martin Mendoza a saan a patakaran ti ahensia nga agsingir ti nangato a buwis kadagiti negosiante a saan da a panunuten ti kasasaad ti negosio.
Pinasingkedan ni Mendoza a no ti maysa a negosiante ket na-lugi iti agdama a tawen ken adda ti naan-anay a dokumento a mangpaneknek, ti laeng buwis iti actual a natgedan-da ti rumbeng a mabayadan.
Kagiddan daytoy impresentar ti BIR iti Senate Blue Ribbon Committee dagiti kangrunaan a reporma iti tax audit framework iti salinong ti Revenue Memorandum Order (RMO) No. 1-2026.
Gagem dagiti reporma a pagbalinen a patas, predictable ken transparent ti tax audits kasaruno ti panang-sungbat kadagiti arunga-ing dagiti taxpayers.
Impakaammo pay ni Mendoza a ti reporma ket saan nga static ken agtultuloy a makita ken paingeten basar iti resulta ti implementasion.
