Mangiwayat ti Bureau of Internal Revenue iti national crackdown kontra iti panagilako ken panagaramat iti peke a person with disability identification cards ta nalawag ti pannakalugi ti pastrek ti gobierno manipud iti tax evasion scheme nga umabot iti P88 billion.
Segun ken ni BIR Commissioner Romeo Lumagui Jr., imbilinnan kadagiti amin nga opisial a makitinnulong iti dadduma nga ahensia ti gobierno tapno malapdan ti panagaramat iti peke a PWD IDs.
Iti salinong ti linteg, karaman kadagiti benepisyo ti PWDs ket 20 percent discount ken exemption manipud iti value added tax kadagiti dadduma a trade ken services.
Nupay kasta, pinasingkedan ti BIR a dagiti tao nga awan konsensyana ti agex-exploit ti nasao a sistema babaen iti panagilako ti peke a PWD IDs kadagiti naswitik ken desperado a kayatna ti mairaman iti benepisyo.
